Azərbaycan Qadınlar Portalı

Qadın jurnalları

lafemme — Thu, 02 Oct 2008 18:43:41 GMT

Rusya Federasyasında çap olunan jurnalların bəziləri

Oops! (Упс) — ежемесячный журнал для стильных девушек, для тех, кто только открывает для себя мир глянцевых женских журналов. Oops! — это новые тенденции моды для молодых красавиц, советы экспертов по косметике и уходу за собой, а также специальные репортажи по самым важным проблемам, какие только могут волновать девушек на пороге взрослой жизни.

В каждом номере — интервью с российскими и зарубежными звездами, новости музыки и кино, романтические истории о любви, рекомендации по имиджу от лучших стилистов и увлекательные путешествия. А еще — точный гороскоп на месяц и смешные истории от читателей. Oops! постоянно проводит конкурсы красоты среди читательниц, многие из них с успехом приняли участие в фотосессиях и появились на обложке журнала. Oops! — журнал для девушек, которым нравится блистать!

Директор

Дина Йонсен

dinak@burda.ru

Издатель

Мария Шлиссер

m.schliesser@burda.ru

Главный редактор

Полина Бутузова

p.butuzova@burda.ru

PR-менеджер

Олеся Загородняя

o.zagorodnyaya@burda.ru

Адрес редакции

Россия, 127018, Москва,

ул. Полковая, д. 3, стр. 4

Телефон: (495) 790-77-38

Адрес для писем

127521, Москва, а/я 48

e-mail: oops@burda.ru

Выход первого номера

5 марта 2001 г.

Периодичность

Ежемесячно

Формат

167 х 223 мм

Тираж

260 000 экземпляров

Журнал учрежден и издается ЗАО «Издательский дом «Бурда» Зарегистрирован в Министерстве РФ по делам печати, телерадиовещания и средств массовых коммуникаций Свидетельство о регистрации ПИ № ФС77-30903 от 17.01.2008

[ Rəsmi saytı ]

Azərbaycanda qadın mətbuatı

lafemme — Mon, 29 Sep 2008 12:38:21 GMT

Azərbaycanda qadın mətbuatı

Yazd: Arzu Soltan


           Yusif Vəzir Çəmənzəminli Kiyevdən Azərbaycanda çıxan ilk qadın məcmuəsinə göndərdiyi təbrik məktubunda yazırdı: "Xanımlar qəzetəsi dedikdə ən əvvəl "arvad məsələsi" yada düşür. "Arvad məsələsi" də insanlar üçün həyati və zəruri bir məsələdir..."
           Bəli, Azərbaycanda "insanlar üçün həyati və zəruri bir məsələni" əhatə edən qadın mətbuatının yaranması XX əsrin əvvəllərinə təsadüf edir. Elə bir zamana ki, qadın problemi, ona münasibət, insan hüquqlarının qorunması kimi qəliz məsələlər əsrin ilk onilliyində çıxan demokratik ruhlu qəzet və jurnalların əhatə dairəsinə sığmadı, ictimaiyyətin diqqətində olan qadınların maarifləndirilməsi, qadın azadlığı məsələləri qadın mətbuatının yaranması zərurətini doğurdu.
Belə bir vaxtda dövrünün tələb və ehtiyaclarını böyük həssaslıqla duyan Hacı Zeynalabdin Tağıyev millət qarşısındakı xidmətlərinin sırasına bir yaxşılıq da qoşdu. O,"İşıq" adlı ilk qadın qəzetini təsis etdi. "Onun ilk nömrəsi 1911-ci il yanvarın 22-də çapdan çıxdı". (A.Qasımova, "Zülmətdə "İşıq"", Bakı - 2000, səh.6). Qəzetin (bəzi mənbələrdə "İşığ"ı jurnal adlandırırlar) 1911-ci ilin yanvarından 1912-ci ilin dekabrına qədər 64 (bəzi mənbələrə görə 68) sayı işıq üzü görüb. Mətbuat tariximiz öyrənilərkən əsrin əvvəllərinin nəşrləri burjua və demokratik ruhlu mətbuata bölündüyündən bu qəzet necə deyərlər, ortalıqda qalıb və indiyə qədər tam tədqiq edilməyib. Amma ayrı-ayrı məqalə və materiallar onun haqqında bəzi məlumatları öyrənmək imkanı yaradır.
           Məcmuənin redaktoru Azərbaycanın ziyalı qadınlarından biri, təhsilinə görə həkim olan, ictimai, mədəni həyatda fəal iştirak edən, qadın xeyriyyə cəmiyyətlərinin yaradılmasının təşəbbüskarlarından biri Xədicə Əlibəyova idi. Qəzetin naşiri isə onun həyat yoldaşı Mustafa Əlibəyov oldu. Hüquqşünas, vəkil, jurnalist, yazıçı M.Əlibəyov insan hüquqlarının, xüsusilə qadın hüquqlarının müdafiəçisi kimi də tanınırdı. "Azərbaycan dövri mətbuatı" biblioqrafiyasında "İşıq" haqqında belə bilgi verilir: "Həftədə bir dəfə - şənbə günü - nəşr olunan elmi-pedoqoji, ədəbi, təbabət və evdarlığa dair qadın məcmuəsi".
          "İşıq"da uşaq tərbiyəsi, ədəbiyyat, təbabət və evdarlıqla yanaşı, hüquqa, mədəniyyətə, şəriət qaydalarına, dünya xəbərlərinə aid müxtəlif guşələr vardı. Qəzetdə bəzi yazılar rus dilinə də tərcümə olunurdu.
1911-ci ildə çap olunmağa başlayan "İşıq" məcmuəsi cəmi iki il ömür sürsə də, o nəinki XX əsrin əvvəllərində Azərbaycan qadınlarınn gözlərinə işıq, zəkalarına nur oldu, islam dünyasının qanunları ilə ömür sürən qadınların şüarlarını silkələdi, o həm də Azərbaycan mətbuatı tarixində qadın mətbuatının bünövrəsini, ənənəsini yaratdı, qadın problemlərinin mətbuatda həllinin zəmini oldu. ""İşıq" qaranlıq mühitin, cəhalətin qurbanı oldu. Bir tərəfdən cəhalətpərəst adamların təzyiqləri, digər tərfdən iqtisadi və maliyyə çətinliyi onu yaşamağa qoymadı. Lakin onun mədəniyyət və mətbuat tariximizdə qoyub getdiyi nəcib iz silinmədi". (S.Gəncəli, "Mətbuat aləmindlə qadınlarımızın ilk addımları" məqaləsindən, "Azərbaycan" qəzeti, 11 may 2000) "İşıq" "söndürüldü". Lakin onun şöləsinin hərarəti ilə oyanıb ictimai-mədəni həyata qoşulmuş qadınları, ziyalılarla yanaşı, Azərbaycanın hər yerindən "İşığ"ın oxucusuna və müəllifinə çevrilmiş sadə qadınların, Tiflisdən, Kiyevdən, Dağıstandan, Moskvadan, Peterburqdan, Xarkovdan ona məktub göndərənlərin alovunu səngitmək mümkün olmadı. Onlar "Molla Nəsrəddin", "Yeni Fyüzat", "Məktəb", "Dirilik", "İqbal", "Açıq söz", "Azərbaycan" kimi jurnal və qəzetlərdə çıxışlar edib, qadınların problemlərinin diqqət mərkəzindən uzaqlaşmasına imkan verməməyə çalışdılar.
          Lakin qadınların özlərinə məxsus mətbuat orqanına olan ehtiyacı bununla aradan qalxmadı. 1918-20-ci illərdə qadın hərəkatının vüsət alması bu zərurəti daha da reallaşdırdı. ADR hökuməti bu hərəkatı istiqamətləndirmək niyyətilə qadınlar üçün ayrı-ayrı səhifələr, sonra "Zəhmətkeş qadınların yolu" və "Qafqaziya zəhmətkeş qadınların yolu" adlı bir saylı qəzetlər nəşr etdi.
           Daha sonra 1922-ci ildə "Zaqafqaziya zəhmətkeş qadını" adlı jurnal çap olundu. Tiflisdə çıxan bu jurnal Azərbaycan, gürcü və erməni qadınlarına onların hüquqları barədə anlayış verməyə cəhd edir, onları azadlığa çağırırdı. Amma bu, Azərbaycan qadınlarının öz mətbuatına olan tələbatını ödəmirdi. Eləcə də, o biri respublikaların qadınları öz ana dilində nəşr olunan mətbuat orqanına ehtiyac duyduqlarını bildirirdilər.
Beləliklə, 1923-cü ildə Azərbaycan Qadınlar Şurasının orqanı olan "Şərq qadını" jurnalı işıq üzü gördü. Onun ilk sayı həmin ilin noyabrında çap olundu.
           Jurnalın ilk redaktoru Ayna Sultanova idi. 20-ci illərdə ərəb əlifbası ilə çap olunan "Şərq qadını" qadınlara azadlıq, bərabərlik ideyaları aşılayır, maarif və mədəniyyətdən yazırdı. Amma bütün bunların hamısı kommunizm ideologiyasının süzgəcindən keçirilib oxuculara təqdim olunurdu. ""Şərq qadını" tərəqqipərvər müəllimlərin və ictimai xadimlərin qüvvəsinə arxalanaraq qadın təhsilinin, məktəbəqədər tərbiyənin mühüm problemlərinin həllində görkəmli rol oynayırdı. Azərbaycanda qadınların, qızların təhsili, qız məktəblərinin, kursların təşkili, burada aparılan təlim-tərbiyə işi məsələlərinə jurnal səhifələrində müntəzəm yer verilirdi".(C.Gəncəli, "Mətbuat aləmində qadınlarımızın ilk addımları" məqaləsi, "Azərbaycan" qəzeti, 12 may 2000) Bu jurnal "İşıq" ilə təməli qoyulmuş nəcib işin layiqli davamçısı oldu və üzərinə düşən missiyanı uzun illər boyu yerinə yetirdi. "İşıq" bir qığılcım kimi işarıb tez söndüsə də, "Şərq qadını" Azərbaycan qadın mətbuatının məşəli olub yana-yana yaşadı.
            ""Şərq qadını"nın bir tarixi rolu da odur ki, o azad nəfəsli, xoş məramlı mətbuat orqanının ətrafında Azərbaycanın bütün savadlı, oxumuş, mübariz qadınları toplaşmışdılar. Jurnal qadın publisistlərin, şair və yazıçıların yetişməsi üçün bir məktəb rolunu oynamışdır. Elmə, mədəniyyətə, incəsənətə, təbabətə marağı olan qadınların, qızların ilk məqalələri jurnalın səhifələrində dərc edilmişdi. Azərbaycanın ilk yazıçı və jurnalist qadınları ilə bərabər görkəmli bədii söz ustalarının - C.Məmmədquluzadənin, S.S. Axundovun, A.Şaiqin, S.Hüseynin, Y.V.Çəmənzəminlinin, T.Şahbazinin, H.Cavidin, Qantəmirin, B.Talıblının, H.Nəzərlinin və başqa yazıçıların öz hüquqları uğrunda mübarizəyə qoşulan qadınlarımızın həyatlarına həsr etdikləri hekayə və şerləri tez-tez çap olunurdu". (Yenə orada).
30-cu illərdə jurnal qadınlar arasında sənayeləşmənin, kooperativləşmənin təbliğinin tribunasına çevrildi, onun səhifələrində kolxoz, sovxoz quruculuğu, əmək fəallığı məsələləri xüsusi yer aldı. Zərbəçi qadınlar öyüldü. Jurnalın redaktoru, tanınmış ictimai xadim, publisist Gülarə Köylüqızı həbs olunub sürgünə göndəriləndən sonra, 1938-ci ilin fevralından etibarən "Şərq qadını"nın adı da dəyişdirildi. Jurnal "Azərbaycan qadını" adı ilə nəşr olunmağa başladı. O artıq Azərbaycan KP Mərkəzi Komitəsinin ictimai-siyasi və ədəbi-bədii aylıq jurnalı idi.
          1937-40-cı illərdə jurnal bir neçə redaktor dəyişdi, onun müəllifləri, müxbirləri repressiya qurbanı oldu. Beləliklə, jurnalın tarixində böhranlı günlər başladı.
          1941-ci ildə bir çox mətbuat orqanları kimi "Azərbaycan qadını" da fəaliyyətini dondurdu. Və onun donu bir də on ildən sonra, 1951-ci ilin martında açıldı. 50-ci illərdə jurnal qadınların elm, mədəniyyət, təsərrüfat, ictimai-sosial sahələrdə qazandıqları uğurlardan yazır, onların məişət və həyat şəraitinin yaxşılaşdırılması mövzularına daha çox yer verirdi.
          "Azərbaycan qadını" jurnalını Azərbaycan xalqının keşməkeşli taleyinin, onun həyatındakı uğurlu və çətin günlərin salnaməsi adlandırmaq olar. 60-cı illərdə onun səhifələrində partiya həyatı, pambıqçıların, zəhmətkeş qadınların hünərindən bəhs edən oçerklər, xalqlar dostluğu məsələləri xüsusi yer tutur, hüquqşünas məsləhəti, gənclərin yaradıcılığı öz əksini tapırdı.
          Jurnalın 1961-ci ilin yanvarında dərc olunmuş birinci nömrəsindəki Yerevana həsr olunmuş "Sevimli şəhər", fevralda çıxan ikinci nömrədəki "Qarğıdalı kəndimizin gözəli olmalıdır" və s. məqalələr o dövrdəki qadın mətbuatı haqqında az-çox təsəvvür yaradır. Bununla belə, 30-cu illərdən fərqli olaraq, müharibədən sonrakı həyatında "Azərbaycan qadını"nın səhifələrində "Evi necə bəzəməli", "Yeni geyimlər", "Süfrə" kimi rubrikalara da yer verilirdi.
1965-72-ci illərdə "Azərbaycan qadını"nın redaktoru Şəfiqə Ağayeva, 1972-96-cı illərdə isə Xalidə Hasilova olub. Bu illərdə jurnalın ideya-bədii səviyyəsinin yüksəlməsi qeyd olunur.
          O dövrdə jurnalda "Gözəllik aləmində", "Mədəniyyət tariximizdən", "Açılmamış səhifələr", "Teatr", "İncəsənət", "Poeziya yarpaqları", "Mənəvi tərbiyə", "El sənətkarları", "Xarici rəfiqələrimizin həyatı" və s. yeni rubrikalarda Azərbaycanın tanınmış elm və mədəniyyət xadimləri, yazıçıları çıxış ediblər.
        80-ci illərdə jurnalın tirajı 30 mindən 320 minə qədər artıb.
        1951-91-ci illərdə "Azərbaycan qadını" müntəzəm olaraq ayda bir dəfə nəşr olunub.
        90-cı illəri Azərbaycan mətbuatında yeni mərhələ hesab etmək olar.
        80-ci illərin sonunda Azərbaycanda ilk dəfə ümummilli, qeyri-hökumət qəzetləri meydana çıxdı. Müstəqil nəşrlərin sayı günbəgün çoxaldı. Bəzi KİV-lər güclü nəşr evləri, holdinq şirkətləri, geniş şəbəkəli reklam və informasiya qurumları yaratdılar. KİV dördüncü hakimiyyət funksiyasını yerinə yetirməyə, ictimai fikrə güclü təsir göstərməyə başladı. Amma mətbuat orqanlarının sayının durmadan artması, keyfiyyətinin dayanmadan yüksəlməsi qadınlar üçün olan nəşrlərin sayında və keyfiyyətində o qədər də güclü əks olunmadı.
         Əsrin böyük bir hissəsi boyu Azərbaycanda yeganə qadın mətbu orqanı olan "Azərbaycan qadını" jurnalı da bu illərdə çətin günlərini yaşadı. Kağız və maliyyə çatışmazlığı 1992-ci ildə jurnalın tirajının 5 minə düşməsinə və iki ayda bir dəfə çıxmasına səbəb oldu. Bu tendensiya 1993-cü ildə də davam etdi. 1994-cü ildə jurnalın cəmi 4, 1995-96-cı illərdə isə ikicə nömrəsi işıq üzü gördü.
          1997-ci ildə "Azərbaycan qadını"nın tarixində daha yeni bir mərhələ başladı.
Jurnalın təsisçisi "Sevil" Azərbaycan Qadınları Məclisi və redaksiyanın kollektivi, baş redaktoru Prezident Aparatı humanitar siyasət şöbəsinin müdiri Fatma Abdullazadə oldu. Bu isə jurnalın yenə də müəyyən ideologiyaya xidmət edəcəyindən xəbər verirdi.
           İndi ictimai-siyasi, ədəbi-bədii jurnal adlandırılan "Azərbaycan qadını" daha nəfis tərtibatla Türkiyədə nəşr olunmağa başladı. Onun səhifələrində daha çox qadınların sosial problemlərinə və mədəniyyət yeniliklərinə yer verildi.
Amma "Azərbaycan qadını"nın bu "yeni həyatı" da intensivliyi ilə seçilmədi. Belə ki, 1999-cu ildən jurnal yenidən çətinliklər məngənəsində sıxılmağa başladı. Maliyyə çətinlikləri onun ölkə xaricində çap olunmasını mümkünsüz etdi, jurnalın tirajı 2-3 minə endi. 1999-cu il ərzində yalnız 4 nömrəsi işəq üzü görən "Azərbaycan qadını"nın 2000-ci ilin sonlarında bircə sayı çapdan çıxıb. Daha 2-3 nömrə isə çapa hazır vəziyyətdə gözləyir.
           Ümumiyyətlə, Azərbaycan Respublikası Mətbuat və İnformasiya Nazirliyinin 2000-ci ilin noyabrına olan məlumatına görə, ölkədə 531 qəzet rəsmi qeydiyyata alınıb. Onlardan 300-dən bir qədər artığı müntəzəm işıq üzü görür. Fəaliyyətinə icazə verilmiş jurnalların sayı 113, agentliklər 25, teleradio şirkətlər isə 20-yə qədərdir. Bir sözlə, Azərbaycanda kütləvi informasiya vasitələrinin sayı ölkənin parametrlərinə görə kifayət qədərdir. Lakin bu heç də "qadın mətbuatının" da varlığından xəbər vermir.
           Azərbaycanın qadın mətbuatı ABŞ və Avropa ölkələrinin bu sahədəki nailiyyətləri ilə ayaqlaşmasa da, hər halda son onillikdə bu yöndə müəyyən cəhdlər olub.
             Onların pioneri 1991-ci ildə yaranmış "Ceyla xanım" jurnalıdır. Təsisçi - jurnalın kollektivi eyni vaxtda "Ceyla dekor" adlı jurnal da istehsal edib. 1991-ci ilin dekabrında 30 min tirajla çap olunan jurnal bu yönümlü ilk mətbu orqan olduğundan oxucuların rəğbətini qazanıb. Jurnal rus dilində çıxıb. 1994-95-ci illərdə maliyyə çətinlikləri "Ceyla"nın jurnal deyil, eyni adlı, A-4 formatlı qəzet kimi işıq üzü görməsinə səbəb olub. 1996-97-ci illərdə Türkiyə Respublikasında çap olunan jurnalın tirajı 1500 nüsxəyə enib. Hazırda "Ceyla" jurnalı (indi "Ceyla xanım" və "Ceyla dekor" jurnalları bir ad altında birləşib) yenidən "Azərbaycan" nəşriyyatının mətbəəsində çap olunur. 2000-ci ildə onun bir neçə sayı işıq üzü görüb. Son nömrəsi 2000-ci ilin oktyabrında çıxıb.
              Qadın mətbuatı sahəsindəki "Ceyla" ilə aradan qalxmayan boşluğu 1996-cı ilin sentyabrından nəşr olunmağa başlayan "Şəms" jurnalı doldurmağa cəhd etdi.
"VSistem inc." şirkətinini təsis etdiyi bu jurnal da rus dilində, ayda bir dəfə oxucuların görüşünə gəlirdi. Lakin cəmi bir il yaşayan bu jurnal Azərbaycan qadın mətbuatında elə bir yenilik edə bilmədi. Sakitcə mətbuat aləmindən getdiyi kimi, tezliklə yaddaşlardan da silindi. Araşdırmalar apararkən onun nüsxələrinə kitabxanalarda da rast gəlmədim.
Müxtəlif illərdə Azərbaycan Respublikası Mətbuat və İnformasiya Nazirliyində "Şans", "Sarı gəlin" və s. adlı qadın jurnalları qeydiyyatdan keçib. Lakin onların adı elə qeydiyyat şəhadətnaməsinin üzərində qalıb.
Bəs qəzetlərlə bağlı vəziyyət necədir?
Ölkədə çıxan 30-dan çox qəzet və jurnalın baş redaktoru isə qadınlardır.

Qadınlar böyük qüvvədir!

lafemme — Mon, 29 Sep 2008 11:35:03 GMT

Qadınlar dünya tarixinin hər bir dövründə sülhün, əmin-amanlığın və dinc yanaşı yaşamanın ən böyük təminatçısı olmuşlar

Bakıda "Mədəniyyətlərarası dialoqda qadınların rolunun genişləndirilməsi" mövzusunda beynəlxalq forum işə başlamışdır

İyunun 10-da Bakıdakı "Gülüstan" sarayında "Mədəniyyətlərarası dialoqda qadınların rolunun genişləndirilməsi" mövzusunda ikigünlük beynəlxalq forum işə başlamışdır.

Heydər Əliyev Fondunun təşəbbüsü, YUNESKO-nun və İSESKO-nun dəstəyi ilə keçirilən forumda dünyanın müxtəlif ölkələrindən 300-dən çox nümayəndə, o cümlədən bir neçə ölkənin birinci xanımları, İSESKO-nun baş direktoru, YUNESKO-nun xoşməramlı səfirləri iştirak edirlər.

Beynəlxalq forumun iştirakçısı olan yüksək səviyyəli qonaqlar "Gülüstan" sarayına gəldilər. Azərbaycanın birinci xanımı Mehriban Əliyeva İSESKO-nun baş direktoru Əbdüləziz bin Osman Əl-Tüveycrini, Türkiyənin Baş naziri Rəcəb Tayyib Ərdoğanın xanımı Əminə Ərdoğanı, Polşanın birinci xanımı Mariya Kaçinskini, Cənubi Afrika Respublikasının birinci xanımı Zanele Mbekini, Anqolanın birinci xanımı Ana Paula duş Santuşu, Latviya Respublikasının birinci xanımı Lilita Zatleri, ABŞ-ın Texas ştatının birinci xanımı Anita Perrini, Rusiya Federasiyası Şurası sədrinin müavini Svetlana Orlovanı, Argentinanın vitse-prezidentinin xanımı Marta Kristina Çeruti Dekobosu, Bəhreyn xarici işlər nazirinin xanımı şeyxa Veysəli səmimiyyətlə qarşıladı. Azərbaycanın birinci xanımı qonaqların hər biri ilə xatirə şəkli çəkdirdi. Sonra forumun rəsmi açılış mərasimi oldu.

Qonaqları Bakıda salamlamaqdan məmnunluğunu bildirən Mehriban xanım Əliyeva dedi ki, bu forum Heydər Əliyev Fondunun, YUNESKO-nun və İSESKO-nun birgə səyləri ilə həyata keçirilir. Mən həmin təşkilatlara və onların rəhbərliyinə - YUNESKO-nun baş direktoru cənab Koişiro Matsuuraya və İSESKO-nun baş direktoru cənab Əbdüləziz bin Osman Əl-Tüveycriyə öz dərin minnətdarlığımı bildirmək istəyirəm. Forumda iştirak etmək üçün Bakıya gələn yüksək səviyyəli qonaqları təqdim edən Mehriban xanım Əliyeva bildirdi ki, son 15 ildə alimlər və yazıçılar, din xadimləri və siyasətçilər çox sadə səslənən bir suala cavab axtarırlar: Dialoq, yoxsa qarşıdurma? Bu problem bir çox beynəlxalq forumların və konfransların əsas mövzusu olubdur. Zənnimcə, hər bir belə toplantı özlüyündə dialoq olaraq müxtəlif ölkələrin və mədəniyyətlərin təmsilçilərini bir araya gətirməklə böyük əhəmiyyət kəsb edir. Belə görüşlər ən azı insanların bir-birini daha dərindən tanımasına, fikir və təcrübə mübadiləsinin aparılmasına xidmət edir. Bu gün biz mədəniyyətlər və sivilizasiyalararası dialoq probleminə qadınların gözü ilə baxmalıyıq, qadın mövqeyini qabartmalıyıq. Qadın olan yerdə həmişə səmimiyyət var, sevgi var, məhəbbət var. Qadın olan yerdə düşmənçiliyə, qarşıdurmaya, nifrətə yer yoxdur. Zənnimcə, qadınlar əzəldən bəri dialoq tərəfdarıdırlar. Məhz ona görə, qadın potensialı dialoqun möhkəmlənməsində böyük rol oynaya bilər. Mən ümidvaram ki, konfransımız səmərəli keçəcək, iki gün ərzində müxtəlif fikir və təkliflər səslənəcək və konfransımızın nəticələri mədəniyyətlərarası dialoqun möhkəmlənməsinə layiqli töhfəsini verəcəkdir.

Forumu açıq elan edən Mehriban xanım Əliyeva Azərbaycan Prezidenti İlham Əliyevin tədbir iştirakçılarına təbrik məktubu göndərdiyini bildirdi. Sonra Prezidentin İcra Aparatının humanitar siyasət məsələləri şöbəsinin müdiri Fatma Abdullazadə dövlətimizin başçısının forum iştirakçılarına təbrikini oxudu. (Təbrikin mətni qəzetin bugünkü nömrəsinin birinci səhifəsində dərc olunur). Sonra İSESKO-nun baş direktoru Əbdüləziz Bin Osman Əl-Tübeycri çıxış edərək Azərbaycanın birinci xanımı Mehriban Əliyevanı, forumun iştirakçılarını salamladı və mədəniyyətlərarası dialoqa dair tədbirlərin keçirilməsinə göstərdiyi yüksək dəstəyə görə Azərbaycan Prezidenti İlham Əliyevə minnətdarlığını bildirdi. BMT Baş Məclisinin qərarı ilə 2001-ci ilin sivilizasiyaların dialoqu ili elan olunması ilə mədəniyyətlərarası dialoq ideyasının yeni mərhələyə qədəm qoyduğunu xatırladan İSESKO-nun baş direktoru dedi ki, bugünkü görüşümüz ümumbəşəri mədəniyyətə, sülhə və əmin-amanlığa yeni töhfələr verəcəkdir. Qadınlar mədəniyyətlərin dialoqunun inkişaf etdirilməsində çox mühüm rol oynayırlar. Onlar gənc nəslin tərbiyəçisidirlər. Onlar cəmiyyəti quran ailənin özəyidirlər. Onlar gənc nəslə ideal dəyərlər və ali prinsiplər aşılayırlar. Mədəniyyətlər və sivilizasiyalararası dialoqun hamının işi olduğunu bildirən Əbdüləziz bin Osman Əl-Tüveycri diqqətə çatdırdı ki, bu sahədə qadınların rolu danılmazdır. Bunun üçün qadınlar ilk növbədə savadlı olmalı, mükəmməl təhsil almalıdır. Lakin bu o demək deyildir ki, qadınların fəaliyyəti ev işləri və ya təhsillə məhdudlaşır. Əlbəttə, qadınlar fəaliyyət üçün daha çox imkana malikdirlər. Təhsil dedikdə, biz mədəniyyətlərin dialoqundakı dəyərlərə əsaslanan təhsili nəzərdə tuturuq. Qadınların cəmiyyətdə rolunu yüksəldən əsas amil onların mədəniyyətlərarası dialoqda fəal iştirakıdır. Onlar bu yolla dünyada sülhə və qarşılıqlı anlaşmaya nail ola bilərlər. Bu gün qadınları sivilizasiyaların dialoqunda və ümumi məqsədlərə nail olmaq istiqamətində beynəlxalq hərəkatlara fəal cəlb etməyə ciddi ehtiyac vardır. Bu forumda yaradılan imkandan istifadə edərək hamını mədəniyyətlərin dialoqunda və millətlər arasında anlaşmanın inkişaf etdirilməsi istiqamətində birlikdə çalışmağa, bununla da sülhün və insanların dinc yanaşı yaşamasının düşmənlərinin irqi, dini və mədəni ayrı-seçkiliyə çağırışlarının qarşısını birlikdə almağa çağırıram.

Forumda YUNESKO-nun baş direktoru Koişiro Matsuuranın videomüraciəti nümayiş olundu. Koişiro Matsuura əvvəlcə forumun yüksək səviyyədə təşkilinə görə Azərbaycan dövlətinə, xüsusilə də Azərbaycanın birinci xanımı Mehriban Əliyevaya minnətdarlığını bildirdi. Dedi ki, bu cür yüksək səviyyədə tədbirin keçirilməsi Mehriban xanım Əliyevanın qadınlara göstərdiyi yüksək diqqətin təzahürüdür. K.Matsuura qeyd etdi ki, bu forumun keçirilməsi gender bərabərliyinin inkişafına təkan verəcəkdir. Tarixən müxtəlif danışıqlar, dialoqlar mövcud olmuşdur, amma bu cür dialoqun aparılması qloballaşan dünyada qadınların rolunu yüksəldəcəkdir. Qadınlar müasirliyin və təfəkkürün formalaşmasında mühüm rol oynayırlar. Gender bərabərliyi YUNESKO-nun 2008-2010-cu illər üçün qlobal prioritetidir. Ümid edirəm ki, bizim təşkilatımız gələcəkdə bu istiqamətdə yeni mexanizmin yaradılmasında mühüm rol oynayacaqdır. YUNESKO-nun baş direktoru əmin olduğunu bildirmişdir ki, bu forum qadınların rolunu artırmaqla yanaşı, dünya ictimaiyyətinin məsələyə diqqətini yüksəldəcəkdir.

Forumda aparılacaq müzakirələr dünyada qadınların qarşılaşdıqları problemlərin həllində mühüm rol oynayacaqdır.

Mədəniyyətlərarası dialoqun çox vacib məsələ olduğunu qeyd edən Polşanın birinci xanımı Mariya Kaçinski öz ölkəsində tarixən mövcud olan tolerantlıq adət-ənənələrinin davam etdirildiyini bildirdi. Sözsüz ki, qadınlar gənc nəslin tolerantlıq ruhunda yetişməsində mühüm rol oynayırlar. Ona görə də qadınların potensialından siyasətdə, iqtisadiyyatda, mətbuatda, ümumiyyətlə, müxtəlif sahələrdə geniş istifadə olunmalıdır. M.Kaçinski dedi ki, bəzi ölkələrdə qadınların bir çox hüquqlardan məhrumluğu davam edir. Bu gün qloballaşan dünyada müxtəlif nüfuzlu beynəlxalq təşkilatların qəbul etdikləri qərar və qətnamələrdə qadınların hüquqlarının qorunması məsələsi xüsusi yer tutur. Mən hesab edirəm ki, mədəniyyətlərarası dialoqlar bu sahədə problemlərin həllinə təkan verəcəkdir. Türkiyə Baş nazirinin xanımı Əminə Ərdoğan çıxışında bu cür mötəbər tədbirin keçirilməsinə göstərdiyi dəstəyə görə Azərbaycann birinci xanımı Mehriban Əliyevaya, YUNESKO-ya və İSESKO-ya, Azərbaycan dövlətinə xüsusi minnətdarlığını bildirdi. Ölkəmizdə olmasından böyük şərəf duyduğunu deyən qonaq forumun mədəni dəyərlərin qorunmasına layiqli töhfələr verəcəyinə əminliyini vurğuladı. Ə.Ərdoğan bildirdi ki, hazırda dünyada baş verən proseslərdə qadınların rolu artır. Cəmiyyətin təkanverici qüvvəsi olan qadınların rolunun daha da artması üçün səyləri birləşdirməliyik. Bu cür forumların mədəniyyətlərarası dialoqun inkişafına təsirini nəzərə alaraq Ə.Ərdoğan belə bir tədbirin gələn il Türkiyədə keçirilməsi haqqında qərara gəlindiyini söylədi. Qadınların cəmiyyətin inkişafında əvəzsiz xidmətlərini vurğulayan natiq, bu sahədə inkişaf etməkdə olan ölkələrə kömək göstərməyin vacibliyini vurğuladı. Anqolanın birinci xanımı Ana Paula duş Santuş Azərbaycanda olmağından və qadın problemlərinə həsr olunmuş belə əhəmiyyətli forumda iştirakdan məmnun qaldığını söylədi. Bildirdi ki, tarixən Azərbaycan Asiya ilə Avropanı birləşdirən mədəni yollar üzərində yerləşən ölkədir. Xanım duş Santuş Azərbaycanın dünya mədəniyyətinə verdiyi töhfələri xüsusi vurğuladı, Azərbaycanın mədəni irsinin zənginliyinin digər xalqlar üçün nümunə olduğunu söylədi. Anqola Prezidentinin vaxtilə Azərbaycanda təhsil aldığını qeyd edən natiq ölkəmizdə təhsilin yüksək səviyyədə olduğunu diqqətə çatdırdı. Xanım Ana Paula duş Santuş Azərbaycanın birinci xanımı Mehriban Əliyevanın təşəbbüsü ilə keçirilən beynəlxalq forumun ölkəmizin demokratik dəyərlərə, qadın hüquqlarının qorunmasına və mövcud problemlərin həllinə göstərdiyi diqqətin parlaq təzahürü olduğunu xüsusi qeyd etdi. Natiq qadınların cəmiyyətə inteqrasiyasının həmin cəmiyyətin inkişafına səbəb olacağını, qadın xoşbəxtliyinin həmin cəmiyyətin inkişafının təməlini təşkil etdiyini, eləcə də Bakı forumunun mədəniyyətlərarası dialoqun inkişafına təkan verəcəyinə əminliyini bildirdi.

Latviyanın birinci xanımı Lilita Zatler mədəniyyətlərarası dialoqda qadınların rolu mövzusunun məhz Bakıda müzakirə edilməsinin onu həddindən artıq sevindirdiyini bildirdi. Məşhur yazıçı Kiplinqin Şərqlə Qərbin heç zaman birləşə bilməyəcəyi barədə fikri ilə razılaşmadığını qeyd edən xanım Zatler, bugünkü tədbirin onun qənaətinə bariz nümunə olduğunu dedi, qadınların sivilizasiyanın mühüm tərkib hissəsi olduğunu, kişilərlə bərabər cəmiyyətin idarə edilməsində onların rolunun artırılmasının vacibliyini vurğuladı. Latviyanın birinci xanımı qeyd etdi ki, cəmiyyətdə bilikləri və mədəniyyəti məhz qadınlar yayırlar. Müxtəlif dinlərə məxsus insanların, xüsusən də qadınların xoş münasibətinin vacibliyini qeyd edən natiq, tolerantlığın qadınların mahiyyətində olduğunu diqqətə çatdırdı, fikrini ölkəsinin nümunəsində izah etdi. Bildirdi ki, son 20 ildə Latviyada inkişaf üçün əlverişli şərait vardır və qadınlar cəmiyyətdə balansın yaradılmasında mühüm rol oynayırlar. Cənubi Afrika Respublikasının birinci xanımı Zanele Mbeke Azərbaycan Prezidenti İlham Əliyevə foruma göndərdiyi təbrikə və xoş arzulara görə minnətdarlığını bildirdi. Azərbaycan paytaxtını sivilizasiyalar arasında körpü, qonaqpərvərlik rəmzi adlandıran xanım Z.Mbeke, artıq tarixi İpək yolunun üzərində yerləşən Bakının zəngin ənənələrə malik olduğunu qeyd etdi, göstərilən qonaqpərvərliyə görə təşəkkürünü çatdırdı. O, Qərb ilə Afrika arasında fərqlərin yaranmasının səbəblərinin bu qitənin zorla mənimsənilməsindən meydana gəldiyini, lakin cəmiyyətin müsbətə doğru inkişafını nəzərə alaraq zaman keçdikcə bu fərqlərin də aradan qaldırılacağına əminliyini bildirdi. Çünki hazırda sülhün, dialoqun, humanizmin inkişaf etdirilməsi istiqamətində daha real addımlar atılmağa başlanılmışdır. Xanım Z.Mbeke forum iştirakçılarını daxili zənginliyin artırılmasına, xoş rəftarın və uğurlu işlərin davam etdirilməsinə çağırdı. Rusiya Federasiyası Federasiya Şurasının sədrinin müavini Svetlana Orlova Heydər Əliyev Fondu tərəfindən təşkil edilmiş forumun işinə uğurlar arzuladı, iştirakçıları Federasiya Şurasının sədri Mironovun təbrik məktubunun mətni ilə tanış etdi. Xanım S.Orlova forumun mövzusunun aktuallığını xüsusi qeyd edərək bunun cəmiyyətdə qadınların rolunu dəyərləndirməyənlərə tutarlı cavab olduğunu vurğuladı. Qadınları ailə ocağının hamisi adlandıran rusiyalı qonaq qeyd etdi ki, qadınların beynəlxalq əlaqələrinin artması öz növbəsində dövlətlərarası və xalqlararası əlaqələrə də mühüm təsir göstərir. Azərbaycanın, xüsusən onun paytaxtı Bakının son illər sürətlə inkişaf etdiyini, böyük uğurlara imza atdığını xüsusi vurğulayan S.Orlova, dünyaya hər şeydən çox harmoniyanın lazım olduğunu söylədi, bu işdə qadınların üzərinə böyük vəzifələr düşdüyünü, bunun üçün yaxşı anaların sayının artırılmasının vacibliyini bildirdi. ABŞ-ın Texas ştatının birinci xanımı Anita Perri beynəlxalq Bakı forumunun təhlükəsizliyin artırılması, qadınlara qarşı diskriminasiya ənənələrinə son qoyulması istiqamətində mühüm addım olduğunu söylədi. A.Perri ABŞ kimi demokratik dəyərlərin inkişaf etdiyi ölkələrdə də qadınların bir sıra problemlərlə üzləşdiyini vurğuladı, insan zorakılığına, ədalətsizliyə qarşı mübarizədə mövcud imkanların birgə təhlilini aparmağın vacibliyini qeyd etdi.

Argentina vitse-prezidentinin xanımı Marta Kristina Çerutti de Kobos qızlara və qadınlara qarşı diskriminasiya hallarının qarşısının alınması məqsədi ilə təhsil sahəsində mövcud imkanları daha da genişləndirməyin zəruri olduğunu söylədi. Qonaq dedi ki, qadınların cəmiyyətdə, xüsusən təhsil sistemində rolu böyükdür. İntellektual səviyyədə qadınların cəmiyyətdə rolu əvəzedilməzdir. Ən vacib məsələlərdən biri qızların pulsuz təhsillə təmin olunmasıdır. Forumda çıxış edən ABŞ-ın Con Hopkins Universitetinin professoru Frensis Fukuyama ilk dəfə Bakıda 20 il öncə olduğunu söylədi, budəfəki gəlişində böyük dəyişikliklərin şahidi olduğunu qeyd etdi. Qlobal tendensiyaların inkişaf etdiyi cəmiyyətdə qadınların rolunun artdığını vurğulayan professor, müxtəlif ölkələrdə qadınlara yanaşmada fərqlərin mövcudluğunu diqqətə çatdırdı. Bildirdi ki, müasirləşən dünyada artan iqtisadi inkişaf nəticəsində qadınların statusu da dəyişir və bu fərqlər aradan qalxır. Tarixə ekskurs edən professor Şərqdə qadınların statusunun kişilərin statusundan asılı olduğunu, kişilərin cəmiyyətdəki mövqeyi dəyişdikcə, qadının da mövqeyində fərqlər baş verdiyini söylədi, xüsusən oğul doğan qadınların Şərqdə statusunun yüksək olduğunu, Qərbdə isə qadınların statusunda dəyişikliyin katolik kilsəsinin onlara mülkiyyət hüququ verdikdən sonra meydana gəldiyini bildirdi.

Müasir cəmiyyətdə iqtisadi və texnoloji inkişafın qadınlara da böyük təsir göstərdiyini, ağıl gücünün fiziki gücü getdikcə üstələdiyini qeyd edən natiq, ABŞ-da işçi qüvvəsinin 60 faizinin qadınlardan ibarət olduğunu vurğuladı, bütün dünya üzrə isə bu rəqəmin artıq 50 faizə çatdığını qeyd etdi. Professor vurğuladı ki, cəmiyyətin həyatında qadınların rolunu artırmaq üçün mədəni amillərin inkişafına xüsusi önəm verilməlidir. Forumun açılış sessiyası başa çatdıqdan sonra tədbir iştirakçıları xatirə şəkli çəkdirdilər. Fasilədən sonra beynəlxalq forum işini sessiyalarda davam etdirdi.

"İnsan sivilizasiyasının münaqişəsi, yoxsa birliyi?" mövzusundakı sessiyaya Avropa Şurasının sabiq baş katibi, "Sivilizasiyaların dialoqu" Dünya İctimai Forumunun beynəlxalq əlaqələndirmə komitəsinin sədri Valter Şvimmer sədrlik etmişdir. Bakı forumunun keçirilməsini yüksək qiymətləndirən V.Şvimmer dedi ki, Azərbaycanın bu foruma ev sahibliyi etməsi onun insan hüquq və azadlıqlarının, eləcə də qadın hüquqlarının qorunmasına verdiyi önəmin xüsusi göstəricisidir. Xanım Mehriban Əliyeva giriş nitqində həlli vacib məsələlərə toxundu. Bu məsələlər əslində təkcə sizi deyil, bütövlükdə Avropanı və dünyanı düşündürən və narahat edən məsələlərdir. Biz çalışacağıq ki, gələcək fəaliyyətimizdə buna xüsusi diqqət yetirək və qaldırılan məsələlərin həllinə nail olaq. Sonra Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyeva çıxış etdi.

Azərbaycan.- 2008.- 11 iyun.- S. 2-3.

Material ANL-ni səhifəsindən götürülmüşdür.

Makiyaj və sirrləri

lafemme — Sun, 28 Sep 2008 14:48:51 GMT

Makiyaj

Pomada (dodaq boyası) makiyajda son nöqtədir. Düzgün uyğunlaşdırılmış pomada üzünüzü anında canlandırmaqdan əlavə hətta gözlərinizin parlaqlığını belə vurğulaya bilər. Pomadanın rəngi zövqünüzə, geyiminizin rənginə, ya da dəbdə olan rənglərə görə seçilsə də, dodaqlarınızın formasını da nəzərə almalısınız. Dodaqlarınız dolğundursa, yumşaq tonlarda mat (parıltısız) pomadalardan istifadə etmək məsləhət görülür. Dodaqlarınızın nazikdirsə, tünd rəngli pomadaya üstünlük verin.

Pomadanıza uyğun rəngdə dodaq qələmi ilə ortadan uclara doğru dodaqlarınızı çevrələyin.
Dodağınızın hər tərəfini qələmlə doldurun. Beləcə həm pomadanızın davamlılığı artacaq həm də silinməyə başladığında dodaqlarınız cansız görünməyəcək.
Pomadanı fırçayla dodağınıza çəkin.
Pomadanın davamlılığını artırmaq üçün ilk qatı çəkdikdən sonra artığını salfetlə silin və ikinci qatı çəkin.
İşıltılı görünüm üçün dodaqlarızın tam ortasına rəngsiz bir parladıcı toxundurun.

İpucları

Makiyajınız hara getməyinizə və gecənin tərzinə bağlıdır. Paltarınızı daha da vurğulamaq üçün göz və dodaqlarınızı daha qabarıq ifadə edin. Restoranda yeməyə gedirsinizsə geyiminizdə daha əsrarəngiz bir dəyişiklik olmalıdı. Ancaq hər halda sadə olmağa çalışın. Sadəlik həmişə ağır bir makiyajdan daha müasir və xoş görünür.

Biraz parlaqlıq, təbii görünümdən özəl görünüşə keçməyiniz üçün əhəmiyyət kəsb edə bilər.Göz qapaqlarınıza parıltılı kölgələr çəkin.Dırnaqlarınıza isə solğun mat rəngdə boya çəkin.Dırnaq boyanızın üzərinə çəkəcəyiniz parladıcı, makiyajınızda son nöqtəni qoyacaq.

Əgər məclisdə şəkliniz çəkiləcəksə, dodaq və gözlərinizi vurğulamağa çalışın,ama çox tünd tonlardan da qaçının.Flaş işıqlar çəhrayı tonları nəzərə çarpıcılığını artırır,bu səbəbdən sarı bazlı tonal krem və pudradan istifadə edin.Şəkil çəkdirmədən əvvəl cildinizi pudralayın,çünki parlaq cild foto şəkillərdə yağlı görünür.

Makiyajdan İstifadə

Tonal Krem- Gecə və ya gündüz fərq etməz.Cild rənginizə uyğun olmalıdı. Ancaq qış sezonunda qollar və çiyinlər daha açıq rəngdədisə bir ton açıq tonal kremdən istifadə edin. Tonal Kremdən sonra mütləq üzünüzü pudralayın.

Gözlər-Daha dramatik bir görünüm əldə etmək üçün cild rənginizlə kontrast təşkil edəcək rənglər uyğulayın. Liner vəya göz qələmindən istifadə etmirsizsə, gözlərinizi vurğulamaq üçün bir fırçayla kiprik çizgisini kölgələyin.Ən az 2 qat tuş çəkin.

Dodaqlar-Gün ərzində istifadə etdiyiniz rənglərdən daha qatı bir rəng seçərək dodaqlarınızı vurğulayın, ancaq eyni tonlara üstünlük verin. Əgər daha cazibəli olmaq istəyirsinizsə, qırmızı və ya tünd çəhrayı rəngi seçin. Mat bir pomada çəkmisinizsə, bir lip gloss ilə parlaqlıq verin. Pomadanızın yayılmaması üçün dodaq çevrənizi dodaq qələmi ilə çərçivələyin.

Dekolte-baxımlı və sağlam görünüş üçün açıqda qalan cild hissələrinizi nəmləndirin. Əgər boyun və sinə qisminiz açıq olacaqsa, bu hissələrə yüngülvari bronz pudra vəya tünd bir üz pudrası çəkin. Çiyin və ya sinənizə qızıl və ya gümüş sim aksesuar taxmayın.

Qüsursuz şəkil çəkdirmək istəyənlərə Makiyaj sirrləri

Makiyajda hər şeyi vurğulu edin.
Parlaq bir cild üçün isti sarı tonlarda tonal krem və pudra istifadə edin. Yanaqlarınızı çəhrayı rəng çaları ilə vurğulayın. Mümkün qədər çox pudradan istifadə edin ki, şəkildə üzünüz parlaq düşməsin. Makiyajınızı mat rənglərlə tamamlayın.
Solğun dodaq boy
alarından istifadə etməyin. Çünki şəkildə pomadanız silinmiş kimi görünəcək.
Foto şəkillərdə qaşlar solğun, seyrək düşür, bunun üçün saç tonunuza uyğun rəng qələmlə onları vurğulayın.

Makiyaj Sirrləri

Piqment ləkələrini gizlətmək istəyirsiz? Cild tonunuza çox yaxın bir rəngdə korrektoru ləkələrin üzərinə yüngülcə vurun və biraz ətrafına yayın ki, çox bilinməsin.Tonal kreminizi çəkib, pudralanın.

Qırışıqlarınızı gizləmək... Cild tonunuzdan 1-1,5 ton açıq rəng bir korrektoru qırışıq boyunca çəkin.Korrektoru barmağınızla və ya bir fırçayla yayıb cildinizə hopdurun. Tonal kreminizi və pudranızı çəkin.

Burnunuz uzundursa... Burun ucunuza tünd rəngdə tonal krem çəkin. Yaxşıca hopdurduqdan sonra barmaq uclarınızla kiçik toxunuşlarla pudralayın.

Burnunuz genişdirsə... Kölgə və işıqdan istifadə edin. Burnunuzun üzərinə (burun sümüyünüz boyunca) daha açıq tonda, burun qanadlarınıza isə daha tünd rəngdə tonal krem çəkin.Barmağınızla tonal kremi yaxşıca yayın və 2 ton arasındakı sərhədləri hopdurub yox edin,mat bir pudrayla pudralanın.

Çənəniz çox balaca və içəri doğrudursa... Çənənizə (dodaq altına qədər) açıq rəng bir tonal krem çəkin.Bu çənənizin həcmini artıracaq.Tünd və parlaq rəngdə pomadalardan istifadə etməyin.Göz Makiyajınıza daha çox fikir verin.

Çənəniz biraz önə tərəf çıxırsa... Çənənizin ucuna tünd rəng bir tonal krem çəkib pudralayın.Dodaqlarınıza önə çıxaracaq canlı rəngdə pomadalara üstünlük verin, beləcə çənənizin nəzərə çarpmasını azaldacaqsınız.

Bir-birinə yaxın gözlər... Açıq tonda bir kölgəni gözün iç küncündən ortasınadək çəkin. Ortadan kənar çöl küncünədək isə tünd rəngdə bir kölgə çəkin. Kölgələrin sərhədlərini yox etmək üçün iki rəngi bir-birinə yaxşıca hopdurun.

Bir-birindən uzaq gözlər... Tünd tonda bir kölgəni gözün iç küncündən ortasınadək çəkin. Ortadan kənar çöl küncünədək isə açıq tonda bir kölgə çəkin və 2 kölgənin sərhədlərini yox etmək üçün yaxşıca hopdurun.

Gözlərinizi eye-liner ilə böyütmək... Gözün iç küncündən incə olaraq başlayın, göz ortasından çöl küncünədək cizgini qalınlaşdırın. Gözləriniz daha böyük görünəcək.
Qalıcı kölgə...Göz qapağınıza çəkdiyiniz kölgənin qalıcı olmasını istəyirsizsə, kölgəni çəkməmişdən əvvəl göz qapağınıza korrektor (concealer) çəkin. Bunun üstünə çəkilmiş kölgənin 24 saat dayanabiləcəyinin şahidi olacaqsız.

Kölgənizin tozcuqları üzünüzə yapışdı?? Böyük və təmiz bir fırçayla tozcuqları üzünüzün kənarlarına doğru yüngülcə fırçalayın. Gələn dəfə bu problemlə üzləşməmək üçün kölgədən istifadə etməzdən əvvəl göz qapaqlarınızı pudralayın.

Tuşun qalıcı olması üçün... Tuş çəkməzdən əvvəl kipriklırinizi fırçalayıb pambıqlı çubuq vasitəsilə yüngülcə pudralayın.Çox gözəl nəticə əldə edəcəksiniz.

Tuşunuz göz qapağıza yayıldı?? Quru bir pambıqlı çubuq ilə ləkəni çıxarmağa çalışın. Keçməsə pambıqlı çubuğun ucuna yüngülcə tonal krem çəkib ləkənin üzərini örtün.

Tuşunuzu artıqlamasıyla çəkdiz?? Kirpik fırçanız varsa kirpiklərinizi diqqətlicə fırçalayıb tuşun artığını azaldın.Ya da, bir kağız salfeti alt və üst kirpiklərinizin arasına qoyub gözlərinizi bağlayın.

Tuşunuzun fırçasını təmizləmək üçün...Tuşunuz çox vaxt kirpiklərinizdə artıq topcuqlar buraxırsa, tuşunuzun fırçasını isti suya tutub qurudun. Təkrar istifadə etməzdən əvvəl quruduğundan əmin olun.

Kirpiklərinizə effekt vermək üçün...Kirpiklərinizə əvvəlcə mavi sonra isə qara tuş çəkin. Kirpiklərinizə super effekt verəcək.

Fərqli kirpiklər... Kirpiklərinizi fərqli etmək istəyirsinizsə, 1 qat qara tuşdan sonra kirpik uclarınıza mavi və ya bordo tuş çəkin.

Pomadanızın qalıcı olmasını istəyirsiz?? Pomadanızı çəkməzdən əvvəl dodaqlarınıza biraz tonal krem çəkib pudralayın. Bir qat pomada çəkin, artığını azaltmaq üçün dodaqlarınızın arasına bir kağız salfet qoyub dodaqlarınızı sıxın. 2-ci qat pomada çəkin.

Pomadanız dişlərinizə boyanır?? Pomadanızı çəkdikdən sonra baş barmağınızı ağzınıza qoyun və dodaqlarınızı sıx qapayın. Pomadanızın artığı barmaqlarınıza çıxacaq.

Hər qadın gözəldir, yetər ki gözəlliyindən istifadə etməyi bacarsın!

Mualicəvi bitkilər

lafemme — Sun, 28 Sep 2008 10:57:47 GMT

Dağ Nanəsi.
Dərman məqsədilə sərt və nazik dağnansəinin yerüstü (ot) hissəsindən isitfadə edilir. Təzə toplanmış otundan 0,25%-0,36%-ə qədər, açıq havada qurudulmuş otundan isə 0,5%-11% xoş ətirli nanə iyli efir yağı vardır. Xalq təbabətində qurudulmuş otundan sulu dəmləmə və spirtli cövhər hazırlayıb qarın ağrısında sakitləşdirici və spazma götürücü kimi qəbul edirlər.

Razyana.
Əsas təsirdedici maddəsi efir yağıdır Xroniki mədə-bağırsaq xəstəliklərində mədənin həzm prosesini yaxşılaşdıran və köpmənin qarşısını alan dərman kimi istifadə edilir. Razyana meyvəsinin efir yağından hazırlanan razyana suyu uşaqlarda əmələ gələn qarın ağrılarında, köpmədə sakitləşdirici vasitə kimi işlədilir.

Sarımsaq.
Təzə şirəsi qüvvətli bakterisid və funkisidi maddə kimi mədə bağırsaq xəstləlikləırində ifrazetmə fəaliyyətini artırmaq üçün , bağırsaqlarda gedən qıcqırma və çürümə prosesslərinin qarşısını almaq üçün istifadə edilir. Nəfəs yolları iltihabında, xroniki bronxitlərdə, pnevmaniyalarda, bronxial astmada, ateresklerozun müalicəsində də yaxşı nəticə verir. Sarımsağın quru ekstraktı alloxol preparatın tərkibinə daxildir ki, bu da xroniki hepatidlərdə, xolistitdə istifadə edilir.